Вiзiт у Гомельскую вобласць 21 - 23 лістапада

  • Вiзiт у Гомельскую вобласць

    Вiзiт у Гомельскую вобласць Фота: Пасольства Швецыi

Пасольства Швецыі 21 - 23 лістапада з афiцыйным вiзiтам наведала Гомельскую вобласць i гарады Гомель, Светлагорск, Рэчыцу і Мазыр з мэтай развiцця ўзаемаадносiн у галіне культуры, палітыкі, адукацыi і бізнесу.

У вiзiце ўзялi ўдзел некалькi прадстаўнiкоў шведскiх кампаній. Акрамя афiцыйных вiзiтаў i  наведвання прадпрыемстваў, у рамках паездкi таксама адбыўся шэраг культурнiцкiх i адукацыйных мерапрыемстваў.

Пасол Крысцiна Юханесан адкрыла ў Гомелi фотавыставу “Швецыя вачыма беларусаў” i “Швецыя ў Беларусi”. У выставу ўвайшлi працы пераможцаў фотаконкурсу, прымеркаванага да Тыдня Швецыi ў Мiнску ў 2017.

У Гомельскім дзяржаўным тэхнiчным універсітэце iм. Сухога i ў Гомельскім дзяржаўным універсітэце iм. Францыска Скарыны Ангелiна Юркова з Цэнтра шведскіх даследаванняў у Мiнску выступіла з прэзентацыяй пра магчымасці навучання ў Швецыі.

У гiмназii №36 i ў фiлiяле Веткаўскага музея адбылiся музычныя чытаннi паводле кнiгi “Паляванне на лiса” Свэна Нурдквiста. У Гомельскiм дзяржаўным педагагiчным каледжы i  ў Гомельскай абласной унiверсальнай бiблiятэцы была прэзентавана кнiга шведскага лаўрэата Тумаса Транстромера ў перакладзе на беларускую мову.