Прыватны візіт

Усе дакументы падаюцца і забіраюцца асабіста. Калі асабістая прысутнасць немагчымая, то як пры падачы, так і пры выдачы пашпартоў патрабуецца напісаная ў адвольнай форме даверанасць. За непаўналетніх дзяцей даверанасць падпісваецца бацькамі/апекунамі. Да даверанасці пры падачы прыкладаецца копія пашпарта даверанай асобы.

Неабходныя дакументы:

 2 каляровыя пашпартныя фатаграфіі 35 x 40 мм на светлым фоне, зробленыя на працягу апошніх 6 месяцаў
 
 Запоўненая анкета,  датаваная і падпісаная. Для кожнай асобы, якая плануе паездку ў Швецыю, павінна, незалежна ад узросту, падавацца асобная заяўка

 Запрашэнне - Referentbilaga E а таксама personbevis (копія выпіскі з рэестра ўліку насельніцтва Швецыі) той асобы, што запрашае. Запрашэнне павінна быць датавана і падпісана. Personbevis сапраўдны на працягу трох месяцаў з моманту выдачы, можа быць заказаны ў бліжэйшай Падатковай службе або на сайце Падатковай службы: www.skatteverket.se. Вібірайце personbevis пад рубрыкай ”Inbjudan”. Referentbilaga E, а таксама personbevis і копія ідэнтыфікацыйнай старонкі пашпарта павінны высылацца кожнай асобе, якая запрашаецца, і падавацца разам з заяўкай на візу

 Даведка з месца працы на фірмовым бланку з пазначэннем імя, пасады, года прыёму на працу, а таксама заробку (за тры месяцы)

 Дакументальнае пацверджанне (у выглядзе выпіскі з банкаўскага рахунку альбо падарожных чэкаў) наяўнасці дастатковых грашовых сродкаў для знаходжання ў краіне (40 еўра/суткі лічацца мінімальнай суммай для знаходжання ў Шэнгене)

 Пашпарт, а таксама копіі пашпарта (усіх запоўненых старонак). Тэрмін дзеяння пашпарта павінны перавышаць тэрмін дзеяння запрошваемай візы па меншай меры на тры месяцы

 Медыцынская страхоўка, якая пакрывае выдаткі не менш за 30.000 еўра і дзейнічае ва ўсіх Шэнгенскіх краінах. Страхоўка таксама можа быць забяспечана бокам, які запрашае. Пры аднаразовай паездцы неабходна прадставіць страхоўку на ўвесь перыяд знаходжання. Пры шматразовых выездах дастаткова застрахаваць толькі першую паездку. Копія страхоўкі прыкладаецца да заяўкі

 Візавы збор 60 еўра аплачваецца пры падачы заяўкі. Дзеці да шасці год ад аплаты збору вызваляюцца

Наступныя дадатковыя дакументы неабходныя для некаторых заяўнікаў:

 Для замежных грамадзян: від на жыхарства ў Беларусі/беларуская віза, а таксама яго/яе копія
 
 Для студэнтаў: адпаведная даведка з месца вучобы

 Для дзяцей да 18 год, што падарожнічаюць з абодвума бацькамі/апекунамі:
- арыгінал і копія пасведчання аб нараджэнні дзіцяці;
- даведка з месца вучобы

 Для дзяцей, якія падарожнічаюць без сваіх бацькоў/апекуноў або толькі з адным з бацькоў/апекуноў:   
- арыгінал і копія пасведчання аб нараджэнні дзіцяці;
- арыгінал і копія натарыяльна заверанага дазволу на паездку ў Швецыю аднаго з бацькоў/абодвух бацькоў або апекуна/абодвух апекуноў, якія застаюцца на радзіме;
- копія старонкі пашпарта з асабістымі дадзенымі бацькоў/аднаго з бацькоў/апекуна/аднаго з апекуноў;
- даведка з месца вучобы;
- копія рашэння суда аб устанаўленні апякунства

Віза для доўгага знаходжання (віза “тыпу D”)

Віза “тыпу D” –  нацыянальная віза. Гэта азначае, што яна дзейнічае выключна для знаходжання ў той Шэнгенскай краіне, якая выдала дадзены дазвол.

Віза “тыпу D” – гэта дазвол на знаходжанне больш чым 90 дзён на працягу шасці месяцаў, аднак не больш за адзін год (максімальна 365 дзён).

Асобы, чые заяўкі на візу “тыпу D” могуць быць разгледжаныя, – гэта, напрыклад, бацькі, якія наведваюць дзяцей у Швецыі і таму маюць неабходнасць знаходзіцца ў Швецыі больш за 90 дзён. Іншыя блізкія сваякі (муж/жонка/дзеці) грамадзян Швецыі, якія працуюць за мяжой і знаходзяцца ў Швецыі  падчас адпачынку або часта падарожнічаюць па іншых прычынах, таксама маюць магчымасць атрымаць візу “тыпу D”. Іншыя катэгорыі, якіх тычыцца вышэйзгаданая інфармацыя, – гэта дзелавыя асобы, якія падарожнічаюць у Швецыю па важных тэрміновых справах. Дадзеная віза з’яўляецца шматразовай.

Візавы збор, тэрмін разгляду і дакументы, якія павінны прыкладацца да заяўкі, – тыя самыя, што і для заяўкі на кароткае знаходжанне.